去黑頭、粉刺方法

1.買一支純白色既牙膏(一定要白色嫁，唔係唔得)
2.塗小小上D黑頭(粉刺)上面，塗至見到全白色為止，唔可以見到肉色
3.等~~~
4.一開始牙膏下面既肉會好涼爽
5.直到唔覺得涼既時候用水沖洗塗上牙膏的位置。
最後看看成果啦，黑頭(粉刺)唔見曬，而且滑佐添!!!(它們隨牙膏被沖走了) 
(黑頭多(粉刺)使用後較明顯，有暗瘡的人可以嘗試這種方法)
(不要日日做，因牙膏可能會傷害到皮膚，一星期一次可行)

So good ~

today i was looking for Foryo so i went to Crumbs. Though it should be good from all the comments. .. I ordered this large size of froyo n was thinking to have blueberry and Mango to go with it. However, they said no Blueberry and Mango.  So i choose another flavor- Crumbs and Greentea Mochinca. The green tea Mochinca is not smooth at all. .. hmm..

No 9

發顛的一週，星期六出黎食個lunch，九記未黎過，一直都想黎，就一於上黎食d好野。二點幾，有條小人龍，不過唔洗一個字就有位。沒有傳說中既淨爽腩，要的係腩粗，友人要的係淨咖喱腩筋跟淨伊麵。

牛腩肉質較為瘦，少了油香，不過亦係軟滑可口，肉質很鬆化帶有少少筋，也不錯的。亦試了友人的筋，很腍很膠，好吃。試埋個牛湯，很濃郁，明顯火喉十足，值得推介，是高水準既牛湯。

跟華姐比較，牛湯九記真的較為討好，牛腩黎講華姐果邊肥一點，更合我心水。

牛腩粗麵$27蚊、淨筋腩要$50蚊，貴嗎？當然貴，有d地方牛腩麵唔洗$20蚊都食到，真係洗鬼山長水遠上山排隊用十分鐘食碗麵咩。對我來說，收得這個價錢，自有它的個人之處，喜歡牛腩，真的要來試試。

腩粗

 

淨咖喱腩筋

Nice Korea food ~

星期六，在銅鑼灣會合shopping完畢的太座，原本去試試樓上的壽司私房菜，但途中她忽然改變主意，想來這裡食韓國食物。七時半來看，門口至少都有十多人在等位，何等墟埳。本來甚少食肆值得我去花時間等位的，但有了上次「大長今變印度人」的經歷，今次她說什麼也要吃到韓國野為止，所以就唯有一路看「一叮」一路等。幸好二人位也不用輪太久，半小時不到已可以坐下來。呢度幾大，但又真係幾多人，所以就算侍應不少，好多時都要等一等至有人來招呼。
食咩交由太座發辦，佢二話不說，就叫了個384 的二人套餐，加兩支Cass啤酒。先來前菜，十樣食物。先吃泡菜，這裡的鮮味十足，比尖沙咀那邊的同名店好好多。其他幾味亦有水準，尤以一味海帶最好味及特別，所以連泡菜在內都添吃了；
套餐包炒粉絲、一豬一牛的烤肉、石頭飯，都算幾多野食。炒粉絲是太座的至愛，不過我就不太喜歡，所以每次都找個籍口不叫。這裡的幾多料，粉絲幾彈牙，麻油味十足，都不錯；烤牛肋骨是連骨上，份量當然比大肋骨為少，但兩個人都夠吃的了，加上甜美的醬汁醃得入味，肉質又好，味道都可媲美上次吃的；豬肉樣子普通，味道卻甜美入味，肉質鬆化，都掂喎；上次在尖沙咀新羅寶的石頭飯麻麻地，今次的石頭飯反而唔錯，有沒有飯焦反而不是我所注重的，而料多味道又好，實在有水準。可以咁講，是晚所吃到的都比尖沙咀那邊好。
可能人多，所以侍應都很忙；又係可能因為人多，個個本地侍應都木口木面，態度幾差。只得招呼我們的兩位韓籍女侍應是笑容滿面，特別覺得親切。
埋單四百零幾﹝已打折﹞，都唔算好貴。難得的是食完沒有十分口渴，似乎是味精不是下得過份。喜吃韓菜的，值得一試。