跑步減肥的少少心得!!

初頭自己為何選擇跑步減肥，因為：
1. 無錢，買唔起甘多減肥藥，亦負擔唔起做手術之類需要大量金錢的方法； 
2. 跑步只需一對鞋，一套衫褲；
3. 任何時間任何地點都做得；
4. 全身運動，減晒全身 

初頭開始跑時，非常痛苦，可以用「痛不欲生」來形容，因為：   
1. 一直無做開運動，唔願 " 旭 " ； 
2. 身重，跑兩步已經非常累；
3. 肥人怕熱，總之就唔想跑

肥人做運動，初頭一定辛苦，因為唔慣；等到跑慣了，身體適應了就不會再覺得那麼辛苦 ! 
事實上，跑了一至兩個月，身體的確是無初頭甘累，知道自己身體開始適應。 

開始跑時，跑得非常慢，一小時才跑 10 個圈 ( 運動場 400m 一圈 )；今天，我最快不用 25 mins 跑完 10 個圈 (雖然都唔算快)。所以，給所有想跑步減肥的人以下忠告：  

1. 跑得慢唔緊要，開頭跑得慢是一定的；不要貪快，快對減肥無幫助；
2. 跑的距離和時間才是成功減肥的關鍵。以一個自己覺得最舒服的速度，慢慢將跑的距離加長，例如：

30 mins 8 個圈
40 mins 10 個圈
45 mins 12 個圈 
50 mins 15 個圈 ..... 

久而久之，只要持之以恆，便會發現自己愈跑距離愈長，時間亦愈來愈快。 

跑步同時，一定要配合飲食。以往暴飲暴食、不良的飲食習慣一定要改。

我覺得很多人有誤解，以為減肥咩都唔食得。我認為，自己喜歡吃的仍然可以吃，只不過是吃的份量要減少，例如我很喜歡飲可樂，以前就一日飲一罐無節制，而家減肥一樣可以飲，只不過是變為一星期飲一次。

你喜歡吃肥豬肉、炸雞、pizza，我不會叫你不吃，我建議你照吃但要有節制，一或兩星期吃一次。

持之以恆的跑步 + 有節制的飲食 = 減肥成功在望 ?   

其實還欠一樣野 ---> 堅持到底的意志力 ! 

肥人做運動最大的敵人其實是自己， 10 次有 9 次都比藉口自己，例如 " 今日好累唔跑，聽日先 " 、 " 今日太熱啦，涼 d 先跑 " 等 ... 一大堆似是而非的藉口。所以，有時候要為自己訂立目標，迫自己去做，將壞習慣戒掉。 

所以 ...
持之以恆的跑步 + 有節制的飲食 + 意志力 = 減肥成功在望 !
緊記 ! 你不需跑得快 ! 不需要咩都唔食 ! 
只要以一個自己覺得最舒服的速度去跑 + 適量控制飲食 + 目標 , 你唔需要花大量金錢光顧纖體公司、唔需要食減肥藥一樣可以好輕鬆又健康肥減 !